Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

ležeć kaž morwy ‹mortwy› [něchtó leži kaž morwy ‹mortwy›]
`ležeć bjez pohiba´ | `bewegungslos daliegen´ wie tot daliegen

přikłady z literatury

Dokelž jich pjenjez kaž morwy w lódce leži, stawa so, zo woni, přińdźe-li kermuša abo póstnicy, za dźeń přepraskaja, štož su měsacy dołho lutowali. (SH 1886, EK) Wšak Jurij ležeše kaž morwy, žadyn staw so na nim njehibaše, hdys a hdys jeho jenož zymica třaseše. (Hronow 114) Hdyž słónco runje mjez nimaj steješe, jeju dwójny sćin pak dale njepohibny ležeše kaž mortwy abo kaž přirosćeny na wonym kusku šćežki, kotraž jeju dźěleše, bě rozumnosć móžnosć namakała. (Brězan, Krabat 350)

wróćo